王晶接受《香港01》訪問時表示：「其實我知道嘅咪講吓囉，至於劉嘉玲單嘢匪徒原本想挾嘅人係李美鳳我都係聽返嚟。（你都係聽返嚟？）唔通我同嗰啲人傾過傾咩。（唔驚勾起傷心嘅回憶？）都幾十年啦，有邊個唔知啫，佢介唔介意我唔知，講出嚟又有咩所謂啫。（嘉玲姐都好似唔想提！）佢唔想提，就唔需要睇我頻道。乜嘢都有人唔叻，亦有人人負面，咁你不如咩都唔好做，匿埋喺屋企，一個都唔得罪啦。」
問到陳百祥在澳洲被人毆是否聽聞？王晶堅定說：「呢個我梗係知啦，嗰陣時譚詠麟都喺度。不過當時我就唔再場，但知道佢被人打到有少少傷。（仲會有咩爆？）諗到咩咪講囉，跟住落嚟我講4大天王，我會續個講，會由矮至高講起。（你爆咁多嘢有冇壓力？）有咩壓力！（怕唔怕得罪人？）得罪邊個，其實好多人都走咗啦。（有啲未走喎！）有啲走咗。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|