袁詠儀於《阿媽有喜》首映禮後接受傳媒訪問，談到赴馬來西亞與一眾後輩合作，靚靚盛讚在劇情中飾演女兒的Miko黃潔琪：「第一次見佢嘅時候，佢嘅廣東話仲未好靈光，但用咗一兩日時間返去狂練，正式拍攝嘅時候就講得好好！依家有咁勤力嘅新人，我哋係要珍惜嘅！」獲得靚靚讚許，黃潔琪興奮地表示：「我嘅廣東話對白全部練咗好耐！雖然我依家講廣東話都唔係好正，但電影裡面會好啲，因為真係狂練！」
黃潔琪初登香港大銀幕，對香港觀眾的反應感到既期待又緊張：「套戲喺馬來西亞口碑幾好，都期待香港觀眾嘅反應。謝票宣傳方面我都會親力親為，希望場場都可以去到！」作為新一代大馬女神，黃潔琪受訪時透露對香港電影有一份憧憬，至於來港發展的意向，她直言：「其實好睇《阿媽有喜》喺香港嘅反應，都想喺香港發展、拍多啲戲！」目前在香港發展的馬來西亞女演員中，廖子妤與林明禎分別走出演技實力與偶像女神路線，黃潔琪則希望多方發展：「其實冇特別諗行邊種路線，如果有機會嘅每一種戲都試下拍！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|