五索在IG限時動態分享多段短片，可見她已身處瑞士，她寫道：「我沒有事了，多謝各位關心，我會在瑞士帶（戴）假髮的。」片中所見，五索與一名男士在高級酒店內用餐，更望住雪景，相當享受，之後她又到名店行街試衫，並對鏡自拍，心情大靚！
日前五索拍片分享生蛇的慘況，她透露於7天前生蛇，最初兩日如普通頭痛，但其後愈來愈痛：「我開始唞唔到氣，半夜完全唞唔到氣，全身都好痛！」之後她就去了養和醫院求醫，醫生檢查後指有機會是生蛇，但因水泡未現形，所以未能確定。五索形容返家後是「煉獄的開始」，就算食藥都只能抑制六、七成的痛楚：「嗰種痛係好似生仔嘅痛一樣，咁生仔你都係生十幾個鐘，但係我係痛咗六、七日。」五索自言能忍痛，但最傷心的是出現後遺症：「我而家喊唔係因為個病令到我喊，而係我啲頭髮冇晒！」之後她就揭起頭髮，可見她額角頭髮十分稀梳，甚至禿了一片如「鬼剃頭」，五索哭訴：「我估佢未甩晒，因為佢每日甩，愈甩愈多。」她指沒想過自己這麼後生就會生蛇，更稱「唔知好唔好剃光個頭呢，咁樣禿一忽」，並勸喻網民去打針預防生蛇。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
