近日討論區有網民討開post討論Rose Ma的去向。她接受《香港01》訪問時，坦言忙於《足球女將》節目，日練夜練足球。她笑言：「依個節目佔據咗我生活。」
從記者會當日的照片看來，Rose Ma與昔日的她相差頗大，除了髮型上的不同，蘋果肌更為明顯而鼻樑也十分筆直。問到她是否整容「變靚咗」，她就激動澄清：「冇搞過呀。真係有好唔同咩？我嗰日好腫喎！仲有我係瘦咗呀，都係化妝師化出嚟。」
被追問有否整容時，她又笑言：「我連黑眼圈針都好耐冇打，以前淚溝好勁呀嘛。踢波踢到5個月做得2次facial，塊臉污糟到死。」問到如果有網民指她整容，會否生氣時，她就十分豁達，續說：「咁唔係可以點，佢哋話係就係啦。」
Rose Ma又展示數張自拍照，說：「你睇呢張素顏，我做完facial都有黑眼圈，虎紋乜都有，所以話係嗰個化妝師手勢好。我自己化妝就係咁，呢排成日練波，曬到有雀斑。本身無㗎sad，而家就黑咗兩度。」
記者表示覺得她的蘋果肌相當明顯，疑似打針。她就回應：「Cry！！！明明我不嬲都有，定係以前係啲肉包住咗，大家先唔覺得我有，但我都真係瘦咗！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
