郭子豪和鄧卓殷接受訪問時，郭子豪自爆昨晚緊張到睡不着，只睡了一個多小時，透露因為結婚當日要準備三個「愛的宣言」，而新任郭太鄧卓殷也表示，當晚也不遑多讓，只睡了兩個小時左右：「因為間房好靜，所以成晚聽到自己心跳卜卜卜咁樣。我一路諗點樣可以令自己瞓着，一路數自己心跳。」
問到爸爸有沒有不捨得時，鄧卓殷表示：「佢拖住我入去之前，喺出面走廊，佢翹住我嘅時候⋯⋯我話：『好似咁樣今日就30歲。』佢話：『咁樣就送你出嫁。』」說到這裏，鄧卓殷就眼泛淚光，一旁的郭子豪更安慰說：「唔好呀，唔好呀。」着她要忍住淚水。
談到迎新娘的環節，郭子豪說有一個「估唇印」的環節，但他猜了兩次也猜不中。鄧卓殷聞言更笑了起來。記者問：「有冇懲罰？」郭子豪無奈地說：「（利市）再封大封啲。」鄧卓殷也表示還有一個蒙眼解胸圍扣環節，郭子豪補充：「每個都唔同，有啲喺前面有啲喺後面。（熟手嗎？）我⋯⋯熟班兄弟，我大概知個位喺邊度。」鄧卓殷聽着在一旁偷笑。
訪問中，兩人表示暫未有造人打算，「郭太」鄧卓殷希望先享受二人世界。談到工作，他們均表示會先專注在網上平台，不過就相當歡迎任何類型的合作，也不抗拒其他電視台工作。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
