原來按摩椅設有人面辨識功能，需掃描登記樣貌先能使用。陳蕾表示早前以素顏樣貌登錄，而當化了妝就會登入失敗。前晚（6日）她完成《Chill Club推介榜年度推介24/25》工作後，諗住按摩鬆一鬆，結果就因為未卸妝而無法成功解鎖，更試過連續登入失敗，系統顯示：「失敗過多，請稍後再試！」她不禁發文呻：「我今日已經扭親條頸，依家仲要俾佢羞辱一次！」
直至翌日（7日）陳蕾再以素顏嘗試登入，竟秒速成功，令她哭笑不得再度發文：「我憎死你啊按摩椅！！我素顏你真係同我秒速log in到！！！！！」
網民對此都感到很搞笑，紛紛留言調侃：「化完妝認唔到嗰啲叫喬裝😹😹😹」、「其實個app用心良苦吖，佢想叫你落咗個妝先至舒服咁按摩」、「你print你素顔照做面具下次戴住unlock吧… 」陳蕾無奈回應：「😭咁化妝師越嚟越叻我都冇辦法 」
本文作轉載及備份之用 來源 source: http://www.hk01.com
|
鍾意就快D Share啦！
|
|
|