原來早前潘藝桐客串出演長壽舞台劇《我們的青春日誌》中校長嚴麗珍的年青版，她透露，演出前疑似是自己給自己太大壓力，令自己「生怪病」：「臨表演前，可能唔夠休息，又或者壓力太大，搞到病毒感染腮腺炎。你見到耳仔下面成舊腫起咗，驚㗎！第一下唔係因為擔心健康，而係怕影響演出。好彩，表演當日奇蹟般好返！」
雖然只演出兩場，但潘藝桐都做足準備：「前後用咗9日時間準備，今次演出真係超級緊張！之前出嚟第一份工就係做兒童英文舞台劇老師，每次都係教小朋友。真正上一個專業舞台嘅話，今次係第一次。電視劇同舞台劇好唔同，電視劇要通過鏡頭呈現，演員的細微表情和動作都能被捕捉，表演可以更細膩自然；而舞台劇就需要面對現場觀眾，表演同動作就要更誇張、有張力，先至可以畀後排觀眾感受到情感。節奏控制又有唔同，電視劇可以幾次拍，演員有更多調整空間；舞台劇則是『一次性』演出，要現場一氣呵成，節奏感和臨場反應非常重要。做得唔好冇得NG！」
潘藝桐亦有分享一件有趣事，原來她曾因睡眠不足而出事：「有一次跳舞綵排，由於對手比較高同埋大隻，我需要攬住佢膊頭就力，不過我完全攬唔實 ，最後只能靠自己轉身。 亦都試過有一次凌晨綵排太眼瞓，講埋對手啲台詞變相無啦啦自己鬧自己，真係好瘀，哈哈哈。又試過要表演嗰一日，第一次着服裝部提供的鞋，我嘅鞋號比較細，但提供嘅鞋大咗一個碼，所以我喺後台排練嗰時，試過飛咗隻鞋出嚟！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|