日前練樂儀專誠飛到新加坡欣賞美國樂壇天后Lady Gaga的巡迴演唱會，練樂儀稱自己是Lady Gaga忠粉，相隔13年再次捧場，並特意與造型師好友馬天佑一齊扮鬼扮馬，表現相當興奮。她說：「嗰陣我仲讀緊中學咋，以pokerface元素嘅造型去睇騷，我仲記得特登較定鬧鐘晨早起身搶飛，買最貴嘅飛，喺企位，跳足成場，氣氛好好，勁難忘！」相隔13年再去朝聖，Alina造型升級，今次就以Gaga最新MV《Die with Smile》造型打扮，與同行的馬天佑組成怪聽盛宴，相映成趣！她說：「美中不足係買唔到企位，無得勁跳，但都嗌到聲沙，兩日都開唔到聲。」
提到馬佑近期為新歌《我們什麼都不是》，邀請多位港台份量級歌手藝人朋友參與拍攝宣傳新歌，她大讚馬佑說：「好欣賞佢嘅毅力，佢嘅人脈網絡超級厲害，號召力超強，連一啲已經退隱咗嘅藝人都可以call到出嚟，我覺得佢真係好有創作力，亦成功將佢首歌洗晒腦，要向佢學習！」問她可有自薦參與一份？她笑說：「我應該喺新加坡即場同佢講唱幾句，不過當時醒唔起，同埋大家都好興奮趕住入場，有機會一定要合作！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|