與鄭伊健合作近30年的經理人林珊珊，近日接受文雋訪問，提起2人相識緣於珊盂在唱片公司工作，眼見鄭伊健歌曲未算火紅但唱片銷量唔錯，後來林珊珊在公司見到鄭伊健，形容當時的伊健是「好少可咁純品嘅男仔」，覺得有可為遂主動向公司請纓為伊健打造新碟。
文雋笑指伊健相當有相法，並非金錢可以打動，提起曾在北京時有人拜託找伊健拍電影，由錢國偉執導找回幾位古惑仔演員合作，「由500萬到700萬一日，單做調酒師喺酒吧一日拍晒，佢都唔制。又唔死心問伊健係咪鍾意打羽毛球，搵林丹嚟客串同佢打波，一樣打動唔到伊健。」
林珊珊指早年曾說服伊健與陳小春合拍內地冒險綜藝：「上山下海搞到好辛苦，結果大家都唔開心」對於伊健極少亮相內地節目搵真銀，林珊珊笑言：「第一，我地喺國內發展係早過好多好多藝人之前。第二，大灣區個case，因為好多時候，佢地邀請嘅9成9都係做綜藝，但呢樣正正係伊健最弱項！佢接受唔到有鏡頭跟住瞓覺，根本唔鍾意！唔喜歡又點解要做？」更爆笑還原二人對話——每當接到綜藝邀約，伊健會認真問：「珊珊，我哋係咪好等錢使呀？」若得到珊珊「頂得住」的回應，他便會鬆一口氣：「頂得住就唔接」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
