從影片可見，溫拿樂隊為婚宴上台助慶，由阿B鍾鎮濤做主音獻唱《Sha—La—La》，彭健新、陳友和唱，作為溫拿前身The Looser成員的阿叻亦有上台，大家玩得好開心。當鏡頭由台上影落台下，見阿倫與洪金寶夫婦同枱而坐，一直蹺實雙手笑笑口，但完全沒有打算上台與一班老友大合唱。網民見到這一幕即議論紛紛：「叻哥確實同阿麟不和」、「鬧翻有點過，不和倒是真的」、「有你無我，為阿倫點讚」。
而身為明星足球隊成員的吳家樂和鄧兆尊，日前亦有在YouTube頻道《娛樂好好玩》提及阿倫和阿叻的不和傳聞，吳家樂透露當晚婚宴氣氛好和諧，身為「明星足球隊」的黃日華亦有與另組新球隊的阿叻合照，不過吳家樂就爆料當晚獲阿叻邀請過檔，引來阿倫不滿，他笑說：「成日話不和不和，究竟有啲乜嘢不和呢？一個活動共同出席影相好和諧，只係大家方向唔同......叻哥同我影相時不斷同我傾偈，仲叫我一齊去佢度踢吓波，跟住校長（譚詠麟）仲望實我添，睥住咗我好耐。其實真係冇嘢，我可以講佢哋係兩兄弟，跟本講不和係傳聞。」鄧兆尊再補充則可圈可點：「可能咁多年私底下有少少拗撬不免嘅，不過始終咁多年友情，好容易會冇咗嘅，講真嗰句。」
譚詠麟和陳百祥的友情超過半世紀，但去年阿叻突然脫離「明星足球隊」，與王晶另組「精裝明星足球隊」，為增強「星味」更挖走馬國明、林文龍、劉浩龍、洪天明等年輕一輩的球員，就連溫拿成員彭健新都「叛變」加入其陣營。阿叻曾在訪問中表示與阿倫各有不同要求，笑稱自己退休後只有踢波，不像阿倫喜歡錢，狂開巡迴演唱會，似乎話中有骨。
本文作轉載及備份之用 來源 source: http://www.hk01.com
|
鍾意就快D Share啦！
|
|
|