《拼命三郎》另外兩位少年男主角林家熙與「細貓」應智越，於首映禮接受傳媒訪問期間，大談為新作操練時的辛酸，Locker表示用三星期時間操肌，直言跟隨拳手套路訓練非常難熬，拍攝期間更要：「前兩日要開始脫水，完全唔可以飲水！」表示按健美選手的方法保持身型，時間卻更長：「拍戲係適應唔到㗎！拍到頭暈又躁底！」細貓亦補充指：「佢仲要通咗一晚頂之後再拍幾日，佢辛苦好多！」但其實謙虛的細貓亦落足功夫訓練，劇組更邀請擁有泰拳拳王資格的選手與他們模擬拳賽：「我畀佢打中一拳，即刻暈低，全部都係星星！」
結婚生子後淡出影視圈的姚樂怡，於《拼命三郎》裡飾演林家熙的母親，與袁富華則為夫妻檔，樂怡透露拍攝首日，便迎來從影首次長鏡頭拍攝，坦言要適應鏡頭運動與燈光，相當緊張：「第一日就同阿譚拍咁嘅鏡頭，事前排咗好多好多次！」至於重新亮相大銀幕，會否邀請女兒同框合作，樂怡則表示：「佢以前冇咁怕醜、依家學識怕醜！廣告嘅話可以嘅，如果有卡通片可以配音，佢就可以睇！」樂怡亦表示女兒熱愛跳Hip-hop舞蹈，經常為拖延睡覺時間、嚷著要為母親表演！
袁富華在《拼命三郎》裡與姚樂怡飾演夫妻，卻透露竟要向演老婆的樂怡表白，留下懸念待觀眾入場發現，更笑言拍攝時尚未新婚，或許讓他意識到要拉埋天窗：「我結咗婚兩年幾咋嘛，拍呢套戲嗰時都未結，可能因為咁所以覺得，好似係時候要娶咗做老婆！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
