台灣女星小S（徐熙娣）今年初痛失家姐大S（徐熙媛），傷痛下工作全面暫停，依家似乎已逐步走出家姐離世傷痛，繼日前佢再次更新動態，為二女兒Lily（許韶恩）宣傳首場個人畫展後，近日更被爆出現身韓國首爾，不過其暴瘦狀態令人擔憂。
前日（23日）有網友晒出照片，稱喺韓國首爾偶遇小S，網友稱佢消瘦咗好多，狀態好唔好，肉眼可見地變得沉默憂鬱，粉絲連合照都唔敢提，暴瘦到連件衫都撐唔起。網友稱於首爾江南區嘅Josun Palace酒店偶遇小S，呢間係韓國歷史最悠久嘅西式酒店，以奢華著稱，該網友見到小S時，對方正於大廳辦理入住手續。
一開始，網友冇留意小S，係同行朋友覺得似樣，所以兩人拍下照片，再透過對比網圖，證實小S身份。巧合地網友同小S住同一層樓，小S走出電梯時，網友直接問：「是不是小S？」小S及同行朋友呆咗好幾秒，小S先慢慢點頭。網友本來想要合照，但明顯感受到小S情緒唔好，就默默放低手機。網友稱，小S確實瘦咗好多，佢身穿嘅舊外套，以前相中都覺得好啱身，依家明顯大足成個碼，擔心佢健康隱患加劇消瘦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|