1. 以代言人身份參加在澳門舉行的PinkD! 《紅粉娛樂博覽》，心情如何？會不會很興奮？
蒼井空：澳門都好耐冇去，今次可以因為工作原因而再次去澳門，我都好期待。
2. 擔任《紅粉娛樂博覽》代言人的原因？
蒼井空：自從結婚生子之後，我都甚少出席海外活動，所以今次收到邀請嘅時候，覺得可以隔咁耐之後，可以再喺海外活動，感覺好開心，所以就選擇接受呢個邀請。
3. 可否介紹 PinkD! 《紅粉娛樂博覽》是一個什麼類型的活動？
蒼井空：可能都未回答到你問題，因為今次好多內容都未正式決定。嚟緊都會同主辦方討論，去決定今次參加形式，同埋有咩內容，希望咁多位都可以期待一下。秘密。
4. 我見今次有介紹係你嘅畢業禮, 咁係咪之後都唔再參與演藝呢？定係點解呢？
蒼井空：我冇諗過會引退，覺得好驚訝，因為我仲想見多啲我嘅fans，所以冇考慮過要引退。關於嚟緊海外嘅活動計劃，我覺得fans好熱情，所以嚟緊可能會以海外做發展事業嘅中心，我想見多啲海外fans，會去多啲活動，直接見大家。
5. PinkD! 《紅粉娛樂博覽》在澳門舉行，蒼井空對澳門有什麼睇法？印象如何？
蒼井空：之前去過一次澳門，畀我感覺同其他亞洲地方好唔同，唔係好有亞洲風情，但係又好似一個海外風情嘅地方。呢個地方好特別，同其他亞洲土地方、國家唔一樣。
6. 有什麼澳門美食是想嘗試的？
蒼井空：我希望你可以介紹一啲澳門美食畀我知道。
7. 葡撻是不錯的，就似是香港蛋撻一樣。
蒼井空：真的？我一定會吃！
8. 如何看 PinkD! 《紅粉娛樂博覽》這類有粉絲參與的活動？參與時的心情是怎樣的？
蒼井空：一路以嚟，多數都係企喺舞台上面，同粉絲有一定距離。咁今次活動可能有啲同fans近距離接觸嘅環節，都會好開心。
9. 有否什麼參觀PinkD! 《紅粉娛樂博覽》的攻略可以提議給入場觀眾？
蒼井空：今次規模好大，如果fans想見我嘅話，就一定要留意返官方公布嘅時間。同時個展覽好大，亦有好多其他嘅嘢可以睇，希望大家唔係淨係嚟睇我，而係睇吓其他展覽。
10. 想fans帶什麼禮物給你？
蒼井空：唔係一個具體嘅禮物，但係就好似頭先粉絲見面會咁樣，fans都會練習一啲日文，可能係影相嘅時候嗌我，或者同我打招呼，我就覺得好開心。
11. 愛してる？
蒼井空：（豎起大拇指）
12. 有咩勉勵嘅句子可以畀啲後輩？
蒼井空：有煩惱就要搵商量同傾訴，食好啲，瞓好啲，休息好啲。
更多高清靚相：
本文作轉載及備份之用 來源 source: http://www.hk01.com
|
鍾意就快D Share啦！
|
|
|