黃敬佩本身是填詞人，亦曾任《聲夢傳奇2》評審，她認為《聲夢》跟《中年好聲音》有根本性分別，主要是參賽者年齡層。而《中年》基本上常駐評審都是那幾位，但中間會加入歌手評審，她又談到伍仲衡發生「洪心怡事件」後，令節目有了轉折位：「好多人話伍仲衡離開之後，冇咁好笑，佢哋都有個人設擔當，肥媽就係溫情，比較人性角度去處理；伍仲衡比較幽默，要求比較高，所以之後成日90分以上，因為有個手緊嘅評判走咗。」而周國豐較為全面，用資深DJ角度宏觀評分；張佳添則較著重歌唱技巧，以揀一個「星」為準則。
對於海兒，黃敬佩就表示：「點解整個咁後生嘅海兒老師，揀選我相信有原因嘅，首先養眼先，佢IG follower都唔少，好sexy，又唱到歌又sexy，但係老老實實就係有少少好似唔係咁……比起伍仲衡同其他評審，夾嘅程度有啲唔一樣，因為佢零零舍舍後生，同埋因為佢係古典，classical。」她讀出海兒的超強履歷、獲得獎項，不過她認為有幾個原因，足以令她不再留任《中4》評審。
黃敬佩指出，參賽者揀歌都是8、90年代經典粵語流行曲或英文歌，對於年僅28歲、唱開古典歌的海兒難有共鳴，與其他評審有點格格不入，與節目甚至存在核心矛盾，她續說：「佢唱開classical，點樣變返一個好好聽嘅pop song歌手，其實都唔係咁易，啲人覺得佢擺喺度OK，因為佢靚女又後生又著得少，好sexy，如果佢嘅角度係用古典音樂嘅話，係咪同真係《中年好聲音》參賽者唱嘅歌係角度好唔同？始終係流行曲，而佢冇經歷過，佢都未出世，佢九幾年先出世，根本冇經歷過，佢點樣有共鳴感呢？純粹以classical角度去評嘅話，到底有冇同參賽者有共鳴，或者同評委裁判嘅標準係咪真係一致？呢個都係大家可以質疑嘅問題。」此外，她知道海兒是英皇力捧藝人，早前演完舞台劇《三八》，未來又即將出歌，相信工作太忙都是她未能留任原因之一，畢竟《中年》拍攝開廠時間每次都很長。
本文作轉載及備份之用 來源 source: http://www.hk01.com
|
鍾意就快D Share啦！
|
|
|