正當有不少觀眾在《女神配對計劃》被他「圈粉」後，他卻被爆2021年疑似因「種票」遭廉署起訴兼入獄，疑曾涉及2016年立法會資訊科技界賄選案。根據法庭紀錄（案件編號：DCCC 707/2019），當年22歲名字為「林澤謙」的第12被告，當時已入讀中大，因接受$850報酬參與「種票」計劃被廉署起訴，於2021年被判入獄六星期，涉案者姓名及背景跟節目的林澤謙相當吻合。
林澤謙昨日（30日）為事件作正式回應，他承認自己當日確實做錯，表示：「事情係10年前，自己無知愚昧冇諗清楚，將資料交左（咗）俾朋友，而呢啲資料最後亦被不妥當使用。我並冇參與任何投票行為，但我始終係做錯左（咗）。我好後悔，亦承擔左（咗）應有嘅後果。當時我可以做嘅，就係繼續努力完成學位同繼續努力訓練，為自己人生負責。而上述紀錄其實亦已經無效，所以我並非刻意要向任何人隱瞞或不作申報。如有任何人主動問及，我亦會大方承認。」
他對於為節目帶來不便而感到抱歉，表示：「要學打波，先要學做人」，又說：「以往我有處理得唔好嘅事情，但正正係呢啲經歷或者犯錯，造就我依家嘅改變。」林澤謙指自己在節目中是真誠地與每一位女神、參加者交流，鏡頭前認真盡力參與，鏡頭後會成為朋友，有不同話題，「只係節目時間有限，大家未必有機會睇到更多。所以無論你係支持邊一位，我認為都冇需要惡意去中傷攻擊其他人。」最後他又感謝一直支持自己的人，希望大家好好享受節目。留言欄有不少人都跟他說加油，指「人誰無過」，最重要是知錯能改。
本文作轉載及備份之用 來源 source: http://www.hk01.com
|
鍾意就快D Share啦！
|
|
|