藝人陳自瑤與豐胸品牌第4度合作，今早（16日）已出發現身沙灘拍廣告宣傳素材，下午則返抵攝影棚繼續，期間她換上閃石Bra見記者，白恤衫外套依然難掩玲瓏浮凸的身形，又升兩Cup，現場鎂光燈閃過不停。
談到今次酬勞有否升級？她笑答：「大家咁多年都合作得好開心，所以開心價OK，同之前差唔多。同埋拍廣告之前老闆娘仲親手幫我按穴位做療程，所以我好滿意依家嘅S線條。」她透露今次有4個不同的造型，問到超性感於沙灘登場，有否吸引大批途人圍觀？陳自瑤笑答：「又唔會喎，因為我哋朝早7、8點就開始，況且嗰個沙灘比較偏僻。（keep得咁好有有惹狂蜂浪蝶？）粉絲咪係我嘅狂蜂浪蝶囉，我份人比較專注工作。」
至於女兒已進入青春期，她承認對方貪靚，間中有拿她的衣服來穿：「不過暫時唔會講身材問題住，佢都仲係太細個。（接唔接受到佢同你一齊拍廣告？）豐胸廣告有排都未，我同佢差唔多高，但年紀差好遠嘛。其他OK嘅，都唔關開唔開通事，好似我今日嘅比堅尼打扮，喺沙灘個個都咁着㗎啦。（女兒會同你傾少女心事？）講吓啲學校嘢。（驚唔驚佢拍拖？）真係要開始諗諗，如果有咁嘅一日要點樣引導佢。」
而王浩信近日於內地巡唱，演繯神曲《大展鴻圖》時勁歌熱舞引起熱議，陳自瑤不欲多談，簡單回應指自己近期工作忙，所以未有多加留意。問到對方日前生日有否慶祝，她答：「冇呀，佢唔喺香港，之前我都返咗內地做嘢。（會唔會帶阿女返去內地捧吓佢場？）唔知呀，唔係好清楚。（暑假會帶女兒去旅行？）諗緊，想㗎。可能會去啲冇咁熱嘅地方。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|