商台節目《在晴朗的一天出發》任職幕後的DJ蔓兒日前突然被炒，事後唔少網友揣測被炒一事與盧覓雪事件有關。小儀今日擔任活動主持，她表示蔓兒是透過組群向大家表示被解僱：「我哋無機會見到佢問，所以大家都係喺group叫佢加油、江湖再見。因為發生咩事好多同事都唔知，都唔多問。（有好多揣測）我明白大家會有呢啲揣測，但我又覺得唔係大家諗呢個方向，一個機構有咁大決定，一定有佢原因，如佢所講財政上有調動，佢同我哋講都係呢樣嘢。」
小儀表示知悉時有感到錯愕，因為財政年度已過，問到如何自保，她表示：「我做咗幾廿年都係咁，做好本份，公司好我哋大家都好。」而對於蔓兒提到人工低，小儀表示對方是幕後，未能似自己可接其他工作。「我唔知佢所謂嘅少係幾少，可能對好多人嚟講係唔錯。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
