蔡瀾當年以去到日本，對日文一曉不通，但急需要學會以便生活及讀書，而從小在戲院樓上住的他，早就養成睇電影的習慣，於是去到日本同樣從電影入手。「去到我搵一間戲院，揀一部自己鍾意睇嘅電影，同一部戲由朝到晚睇足咁多場。到第二日再去，同樣由朝睇到晚睇足咁多場，總之部戲放映幾耐我就睇幾耐，當你睇咗50次以上，你無可能學唔識。」
講到這裡，身邊的倪匡質疑其真偽，黃霑更問及到底是一部甚麼電影？蔡瀾忘記了戲名，只記得是活躍於50年代，石原裕次郎主演的電影。「你唔相信可以自己試下，而家仲簡單，因為有錄影帶（節目在80年代播放），你睇50次絕對學識。」
倪匡依然不相信，原來他都有學過兩年日文，覺得結構非常艱深，更加不相信在聽唔明對白之下睇50次便學識。倪匡︰「我學咗兩年日文，試過去睇一部冇中文字幕嘅日本電影，睇完之後朋友問我聽唔聽得明？我話我淨係聽到一句︰『ありがとう Arigatō』」朋友聽後立即笑罵︰「你去死吧！我未學都識呢句」此刻更令黃霑及蔡瀾笑到人仰馬翻，倪匡就指因為日文對白講得太快，難以跟上。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
