首輪（共分兩集播放）比賽七位導師挑選學員賽制如下，每位導師擁有3個名額，4位最終未被任何導師選中的學員將會被淘汰。導師招攬學員可按紅燈／黃燈，紅燈代表「王牌特權」，如果只有一名導師按紅燈，同一位學員雖然有其他導師撳黃燈爭人，該名學員都會歸按紅燈導師旗下。假若多過一名導師按紅燈，則以「手快有、手慢冇」為準則。當有多位導師按黃燈時，學員可反選自己心儀導師。至於沒有導師按燈的學員，則會進入危險區。當所有學員演唱完畢後，名額仍未爆滿的導師，則必須從危險區中揀選學員入組。
師兄讚柯雨霏：隻眼識笑
今集打頭陣出場的是被視為大熱之一、有「陳瀅2.0」之稱的柯雨霏（Ophelia），《我的宣言》的柯雨霏聲線與笑容均相當甜美，加上顏值高企，令泳兒及「師兄」劉浩龍「爭崩頭」，兩人幾乎同步按下紅燈，最終更爭拗至「要睇片」決勝負，結果證實泳兒較快手！談到對Ophelia評價：泳兒表示：「佢聲線同樣成個package已經喺度。」師兄：「佢嘅優點就係隻眼識笑，呢個係一個好吸引嘅地方。」Ophelia事後表示由於自己十分喜歡泳兒的歌聲，所以對泳兒成為其導師大感興奮。
今集最吸睛的參賽者，則是因參加過《聲夢Junior》備受關注、獻唱《@princejoyce》的冼奕瑜（Jasmine），Jasmine雖然只有17歲，但跳舞時舉手投足均充滿自信魅力，而且即使勁歌熱舞亦沒有影響歌唱表現，最終獲所有導師大讚，獲「一紅五黃」佳績。吳浩康說：「佢嗰個火喺隻眼裏面，一擰轉身未開口就已經存在。」而唯一撳紅燈的Sherman，則笑言自己「差啲撳爛盞燈」，並大讚Jasmine：「我覺得佢係full package，無論係樣貌身形、喺台上面嗰個魅力佢已經有，好吸引我。」
胡子貝同獲蘇永康睇好殺入終極五強
至於同樣被視為賽前熱門之一的「顏值擔當」胡子貝（Matt），來自江蘇的他雖然本身不太懂得講廣東話，但經過連月來苦練，唱起容祖兒的《心之科學》仍有板有眼，廣東話發音仍算過關，結果獲五位導師給出黃燈兼讚不絕口。蘇永康大讚胡子貝「功底好」，並指對方是心水五強之一：「我聽到你個高音爆發位之後，我覺得廣東話應該唔係好大問題。」譚耀文：「覺得佢唔只係一個歌手，我覺得佢好有potential、可以喺藝能界有好多方面發展，佢有明星風範。」
參賽背後有洋蔥｜甄敏芳望終可獲父母認可
至於獻唱《痛愛》的甄敏芳（Jenny），雖只獲兩位導師蘇永康及泳兒亮出黃燈，但仍獲得超高度評價。泳兒：「我覺得佢係黑馬，今日外型都有啲眼前一亮，開始有星味，身形又幾好。」蘇永康：「上次初選時你唱陳蕾嘅歌，我好深印象…我一直擺咗你喺五強入面。」期間還慈父Tone上身：「你今日好緊張喎，阿女！」至於唱完後眼濕濕的Jenny，則坦言一直被父母否定的自己，希望能透過今次參賽令父母另眼相看：「如果你哋睇到，希望你哋可以認可我，為我驕傲啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
