踏入30周年誌慶，保育基金特別推出網上慈善拍賣，籌款支持保護亞洲及本地珍貴物種及自然生態的工作。當中的拍賣物品包括「劍神」張家朗親筆簽名照片及擊劍、珍貴的大熊貓雙胞胎（家姐與細佬）百日足印和英國搖滾樂隊Coldplay四位成員親筆簽名結他等等，當中Shirley投得底價5萬港幣的Coldplay親筆簽名結他作為送給老公伍富橋的生日禮物。Shirley接受《香港01》訪問時，她稱：「本來諗住睇吓有咩啱，細細樣嘢都OK，諗住為保育出一份力。而今年Alvin生日，我哋決定將所有慶祝嘅錢都做落保育度，之前就影咗狗狗嗰輯相，贊助咗其中一隻狗狗做手術，之後就無意中見到Coldplay嘅結他，雖然佢唔係行嗰個路線，但我諗音樂人點都會鍾意，所以就投咗落嚟送畀佢做生日禮物。而且背後嘅意義好好，可以幫助瀕危物種或者保育研究，我覺得非常值得同有意義。」
Shirley更表示希望做更多慈善工作：「最好有機會可以落手落腳，唔係淨係捐錢，可以落手落腳去幫手，嚟緊都想多啲同唔同嘅慈善團體合作。而Alvin就不嬲都做開，今年都會繼續毅行者，希望嚟緊會參與更多活動。」早前，伍富橋更突破尺度，與一直關心流浪動物的裕美所成立的獨立義工團體praylovehk合作，以全裸上陣與狗狗拍攝，收獲不少好評！
本文作轉載及備份之用 來源 source: http://www.hk01.com
|
鍾意就快D Share啦！
|
|
|