陳思齊丨2000年曾參選港姐兼有「翻版朱玲玲」之稱、現年43歲的陳思齊（原名：陳凱怡)，近年已長駐內地佛山「擺攤」維生。除此之外，她又不時拍片分享藝人背後辛酸，近日便提及曾遭友人騙錢，連朋友亦做不成，令她「人財兩失」；亦講到她的免疫系統曾出問題，體重暴瘦至70多磅，而且全身爛肉。
陳思齊遭「呃晒積蓄」
陳思齊於影片中表示，香港演員過去總被外界以為生活風光富貴，但實際是「家家有本難念的經」，然後講起遭好友騙盡積蓄，以及身體出問題的經歷:
這麼多年有點積蓄，之後借給朋友應急，最後一去冇回頭，連個朋友都唔見埋。然後我捱到身體系統出問題，免疫系統壞咗，加上病就冇辦法賺錢，身體唔好又點做嘢呢？ 瘦到得返70幾80磅，全身上下仲要冇乜忽好肉。
積蓄花光後的陳思齊，之後就搬上內地，她指慶幸人緣不錯的自己，又得到不少朋友的關顧，不但樂意讓她「蹭飯」，又介紹她加入團隊「擺攤」搵食。
最新影片:
陳思齊近況丨認擺攤生活拮据
由於幕前事業一直未有氣色，陳思齊離巢TVB後亦曾轉行當音樂治療及香薰按摩師。至近年她又轉到內地佛山，投靠前TVB小生蔡淇俊，於街擺攤維生。不過，日前她就曾拍片透露，原來自己在內地的生活一直拮据，並因此自卑到不敢見媽媽。
影片開頭，戴上圓形黑框眼鏡兼身穿白色Tee、依然一副少女模樣的陳思齊於佛山車站現身，表示是為了迎接一位很重要的人物，而這位大人物原來便是她的媽媽。
陳思齊表示，自己移居佛山近2年之後，她的媽媽是首次到內地探她，而當中原因更是令人心酸:
今日媽媽終於嚟咗佛山探我，我搬咗嚟佛山差唔多2年，生活一直都好拮据，而且每個月除咗固定嘅生活費之外，基本上就冇乜多餘閒錢，所以我其實唔係好敢邀請佢上嚟佛山探我，因為唔多唔少都要使錢。我又唔想佢過嚟，見到我過得咁閉翳而擔心我。
陳思齊近況丨習慣報喜不報憂
陳思齊又指為人子女，為了不想母親擔憂，過去習慣報喜不報憂:
明明捱緊杯麵都話食緊大餐
因此，這次難得媽媽到了佛山，陳思齊決定帶媽媽到內地玩樂，以表孝心，不但帶她吃牛肉同順德魚生，更帶她夾公仔和按腳。
講真喺香港，就真係冇乜本事帶佢去吃吃喝」。
片尾陳思齊再次多謝「師傅」蔡淇俊，指現在已找到自己生存方式，並且充滿鬥志。
陳思齊近況丨曾發表「拜金宣言」
陳思齊過去曾拍片分享「拜金宣言」並於鏡頭前坦承：
我當然想嫁個有錢人啦，而且越有錢越好添！
不過，目前仍是單身的她似乎早已接受自力更生，因此又補充表示:
講得好聽啲就係我鍾意靠自己，但其實講到尾就係，我冇呢啲福氣，唯有靠自己囉！
陳思齊近況丨屢傳整容失敗
陳思齊過去還被傳出疑似整容失敗，引起不少輿論；但真相是她在擔任美容院代言人時，因打針導致面部僵硬、鼻子變形。目前年過40的她，原生美貌早已恢復正常，童顏依舊。
陳思齊自2000年競選香港小姐入圍5强後出道，代表作有《皆大歡喜》、《老婆大人》、《搜神傳》、《我的野蠻奶奶》、《律政新人王》等，因清秀童顔外表及精靈演技而經常被安排出演「妹妹」、「丫鬟」角色，深受觀眾歡迎。
儘管有香港小姐頭銜及參與多套經典劇集經驗，但由於年紀漸長，陳思齊認為自己「不能一世靠樣搵食」，不適宜再扮演「妹妹」；她曾在抖音影片中坦言，找不到適合自己的角色和工作，遇上就業樽頸。她最終在2013年離開TVB，加入香港電視並演出了數套劇集；2015年正式退出娛樂圈。
《醫度問‧醫度答》幫你問醫生! 立即提交你的皮膚疑問啦! 獲選問題仲有禮品送!https://tinyurl.com/3b5zr5jn
HKET App已全面升級，TOPick為大家推出一系列親子、健康、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|