歌手譚嘉儀（Kayee）8月13日37歲牛一，她在社交網分享慶生照，穿上Deep V藍色閃片裙大晒湯碗胸，性感又迷人成焦點，而場地布置相當夢幻，以粉紅及粉藍為主色，還掛上同色調的氣球點綴，最啱作打卡之用。而壽星女最開心是有9位靚女陪她過生日，當中包括有劉佩玥、黃嘉雯、李芷晴、林鈺洧等，位位都爭住吻賀Kayee及送上愛的抱抱，而枱上有兩個蛋糕及一大紮鮮花，全場充滿愛。
Kayee留言話生日是她最愛的日子，開心可以友儕共聚，9個女仔圍埋影相、食嘢及盡情Girls Talk，又特別多謝劉佩玥送上的鮮花：「影相真係好靚」；至於黃嘉雯所贈的蛋糕最得她歡心及夠心思：「都係薑餅人嘅粉絲，訂嘅呢個蛋糕真係好有心思！好可愛！仲着住我哋跳 《大展鴻圖》 嗰件泳衣，真係好過癮。」她又感激姊妹們做她的樹窿，經常放任她「亂講嘢」及提高她情緒價值，所以期望年年都可以同一班底慶祝：「多謝你哋咁錫我，希望大家都身體健康，開開心心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
