袁澧林昨晚出席《夏日國際電影節2025》開幕典禮，她表示不時都會一個人入戲院，而近月因在台灣拍戲，一有時間就睇戲，最高記錄一日四套。提到日前在社交平台分享的受傷照片，袁澧林表示：「其實已經係三個星期前，係拍動作場面，掙扎時唔小心壓到啲玻璃，縫咗7針，而家拆咗線。」袁澧林表示唔擔心留疤，又指張繼聰不時分享拍攝點滴，如今自己終有戰蹟，但她強調拍戲環境十分安全，問到新作詳情，袁澧林表示環保持神秘感，只透露是台灣電影。
許光漢將在月底來港與她宣傳新戲，問到二人是否久未見面，袁澧林表示：「喺台灣聚會、電影後期都有見到佢，對上一次見佢唔係好耐。（有無覺得佢當完兵Man咗？）佢有講啲好啲好好笑嘅故仔，話佢同房唔知佢係許光漢，同埋頭一個月唔畀用電話，要乖先有。」而講到二人在宣傳片的嘴戲，袁澧林表示是劇情需要，拍攝時未感到壓力，但如今被問起即有壓力：「成日見佢喺片場呆呆哋，因為工時好長。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
