藝人鍾嘉欣近日作客網上節目《絲打圍爐》自爆夫妻生活受到阻礙，更多次被老公Jeremy投訴，她表示：「我有少少忽略咗佢。」網民都認為她的婚姻暗藏危機！
嘉欣2015年與TVB前高層梁乃鵬姪仔、脊醫Jeremy宣布結婚，翌年補擺喜酒，並回到加拿大生活，先後誕下三名子女。鍾嘉欣在節目中分享，起初是胞姊介紹下認識老公，但本意並非相親：「因為我冇乜朋友……佢（家姐）想搵個人係外國返嚟而唔識中文，又唔知我係娛樂圈嘅，可以同我傾偈開解我。」嘉欣表示起初二人是朋友，幾乎都是靠電話聯繫，後來得知Jeremy認識她爸爸的親戚，感覺有些緣分，漸漸熟絡。嘉欣直言是她追求Jeremy，事緣有次她被傳媒跟拍，Jeremy在電話中教她放鬆自己及如何應對，之後就時常致電給對方。她表示聽着Jeremy的聲音感到平靜：「我覺得好舒服，傾傾吓我向佢表白囉！『嘩，我好鍾意你呀』，我話『我都鍾意你嘅，你鍾唔鍾意我咁囉』！」嘉欣指與Jeremy其實是情投意合，只是由她先表白。
嘉欣在加拿大一手一腳照顧子女，更時常回香港工作，直言有少許忽略了老公。她被問及心中的第一位是子女還是老公，她表示雖然知道老公會在意，但仍認為子女是她的第一位，提到老公被忽略也有些內疚。她說：「譬如我飛嚟飛去啦，我返加拿大，佢哋會接我機，個個（仔女）都跑埋嚟『媽咪媽咪』，我老公其實都有張開手，佢其實都好想攬我。如果我同我啲仔女一齊，我老公會攬咗我先，但我一見到啲仔女，好似見唔到我老公，攬咗啲仔女先，其實佢係扁緊嘴。」
嘉欣表示由於要照顧三名子女，一天24小時幾乎都被子女佔據，連與老公拍拖的時間都沒有。她說：「我哋冇拍拖㗎……冇時間。」鍾嘉欣續指，當外出時雙方父母有空照顧孫仔孫女，她與老公才會離開一會兒逛逛：「佢成日想同我睇戲，但其實冇一次係睇完，10年喇結咗婚，未（完整）睇過一套電影……佢跟住就投訴囉，『你唔同我睇埋套電影』，攰啊夜晚，湊完仔女、煮完飯、洗完嘢……想瞓覺㗎喇！」鍾嘉欣老公甚至對她表示最大願望是跟她看完一套電影。鍾嘉欣指，現時有提點自己要改善，多放時間在老公身上，但阻於照顧子女實在太忙，因此情況暫未見好轉。
嘉欣指老公很愛跟着她，「佢鍾意跟住我做任何事，即係佢係鍾意陪我嘅，去邊都話『陪埋你一齊去』。」她表示自己是急性子的人，但不及老公有條理，言談間多次冧笑，被網民指似乎很想展露幸福婚姻生活，不過卻被網民提醒10年婚姻恐怕藏下危機！有網民在社交平台分享影片，引來網民留言：「夫妻相處時間好重要，其實老公投訴到出聲已經好有問題，佢仲笑得咁開心」、「係咪間接話畀觀眾知老公冇幫手湊仔搞到你咁攰」、「其實即係呻緊湊仔辛苦」、「有冇咁誇張呀，10年一套戲都睇唔晒，又唔係3個仔女同時出世」、「有冇時間維繫夫妻生活，講心嫁姐！」似乎網民都好關心嘉欣的婚姻生活。
本文作轉載及備份之用 來源 source: http://hk.on.cc
|
鍾意就快D Share啦！
|
|
|