
哈利馬古尼(左)深受領隊魯賓艾摩廉信任。(Getty Images)
曼聯中堅哈利馬古尼只剩下1年合約,加上已經32歲,有傳紅魔鬼準備出售佢,但實情剛好相反,根據英國《太陽報》爆料,曼聯主帥魯賓艾摩廉視馬古尼為「非賣品」,已經拒絕5間球會斟介。
據悉有3間英超及2間意甲球會曾經向曼聯提出收購哈利馬古尼,但魯賓艾摩廉拒絕放人,認為呢位英格蘭國腳屬於球隊核心人物,必須留用。事實上,早於今年1月,艾摩廉曾公開大讚馬古尼係領袖級球員,可見非常重視佢。
哈利馬古尼近期接受球會官方媒體訪問時,亦對於新一季充滿期望:「上季的確係艱難時期,但今季再冇藉口,我哋有充足時間備戰,我亦會確保自己有十足狀態,為球隊付出一切。」
哈利馬古尼效力曼聯6季總共上陣246場入15球,雖然佢仲未同會方傾續約,但有魯賓艾摩廉力撐,相信好大機會獲得新合約。
本文作轉載及備份之用 來源 source: http://hk.on.cc
鍾意就快D Share啦!
|
|