前港隊「飛魚王子」方力申就快做爸爸，近日可謂雙喜臨門，前日（18日）喺社交平台分享喜訊，佢早前喺世界先進游泳錦標賽中奪得三金，退役15年依然寶刀未老。小方上載出長文分享喜悅，晒出同老婆Maple（葉萱）、父母、細佬溫馨全家福，表示自己於8月10號舉行嘅2025年世界游泳錦標賽中，奪得200米背泳、400米個人四式、200米個人四式中奪金。今次參加5個項目，佢更打破3項年齡組別嘅香港紀錄！
合照中，見懷孕6個月嘅Maple一臉幸福，以T-hirt配外套、牛仔褲現身，未見有水腫嘅情況。小方提到8月8號參加完200米背泳之後要喺新加坡返香港，之後參與喺廣西嘅演出，佢曾經擔心趕唔切參加8月10號舉行嘅400米個人四式，表示：「為了這個賽前排名第一的400米個人四式，太太決定改機票獨自留在新加坡等我回來，希望我能趕上飛機，在現場支持我挑戰冠軍。」小方終成功喺完成演出後趕得切返新加坡參賽。
小方今次成功，感恩全家人給予無限支持，更親身到現場見證奪金一刻：「能在我父母，弟弟，太太，還有今年要出生的女兒一起見證我這塊（200米背泳）金牌，真的是太完美 」、「在我太太和隊友的打氣下，這項我年輕時候的主項400米個人四式，我以比去年在多哈世錦賽快了7秒完成。」小方續指自己一直感冒纏身，幸未有影響狀態：「（200米個人四式）成績比在去年多哈快1.2秒，獲得我賽前想都沒想過的3塊金牌。感冒一直沒完全好，聲音變了但狀態還有，在之後的100米和50米背泳都以近年最佳成績完成，分別得第5和第6名。」
佢又總結今次比賽嘅5個項目中，200米個人四式完成時間只比佢喺2000年悉尼奧運上慢8秒，令佢信心大增：「所以我還是有進步空間的，畢竟當年我是因為加入演藝圈才急流勇退，要不然我當年就會繼續留在美國升學，加入大學泳隊，再奮鬥多至少4年。我是有充分理由相信我的運動潛力不是在我2000年20歲的時候就到頂，我只是沒有繼續練下去而已。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|