
獨立Hip Hop歌手ProdiG昨日(3日)於Story出片,背景音樂歌詞惹火,直接點名diss(羞辱)新婚嘅人氣歌手Tyson Yoshi,句句挑機:「我話想要晒所有錢住喺複式要埋你部車」、「咪再懶Hip-Hop//只係一隻跟風狗//蛇鼠一窩得個樣//冇乜家教,學吓禮儀先」,ProdiG在片中亦引用Tyson紋身片中一句「夠唔夠Hip hop」,十分有指向性。
Tyson Yoshi忽然被ProdiG鬧爆後,即在社交網回應三點:「1.當年《Growing up》我係留空首歌嘅第2段邀請佢參與,但係佢寫出嚟嘅旋律歌詞,並未達到我心目中嘅要求,所以最後我決定自己完成作品並且發布。2.所講緊嘅係《If I Die Tonight》嘅故事,並唔係《Growing up》,我從來唔攞人命開玩笑,個小朋友已經走咗,請你尊重。3.小弟沒有咁嘅膽量亦都冇咁嘅權力去阻止任何人參與活動,小弟參與活動只有一個目的就係賺錢,有客戶用我已經好感恩,何德何能控制品牌或者活動公關用人準則」用詞客氣零粗口,被網民大讚有家教。而提到被ProdiG指幫助患癌小朋友是作故仔,Tyson Yoshi就上載日兒童醫院醫護人員的對話截圖,以及在病房內與該病童的合照,推翻ProdiG的指控。
平時火爆嘅Tyson,今次未有出面反駁,唔想助長話題熱度,反而fans就不忿Tyson無端被攻擊,除表示唔知ProdiG係邊個,又引用兩人followers數量明示ProdiG想蹭流量,有網友覺得ProdiG挑起事端話人「冇乜家教」。而一日後更有戲劇性進展,ProdiG社交平台的followers數節節下跌,被Tyson支持者取笑:「惹Tyson對佢有咩好處,不自量力,損唔到人,又不利己。」由於ProdiG從未解釋diss Tyson的原因,有人估計與早前網民留言有關,指ProdiG不滿自己與KOL女友Kitling被網民拎去同Tyson及KOL索妻Christy比較,一怒之下寫歌反駁。
Tyson早前曾經歷「婚禮化妝師」事件,Tyson出聲維護化妝師後,佢同老婆Christy亦連帶被批評,之後佢護妻表示:「如果下次畀人鬧,會影響到佢,我就唔反駁了!」學懂沉默是金。
本文作轉載及備份之用 來源 source: http://hk.on.cc
鍾意就快D Share啦!
|
|