炎明熹今日（29/9）現身香港東九文化中心出席有份參演原創粵語音樂劇《一束光——高錕的記憶》記者會。對於從新出發，展開新一頁，炎明熹接受《香港01》透問時表示：「其實我同無綫已經完成晒合約，變咗我而家開咗間公司，呢間公司開咗兩日，計埋我有4個人，公司阿叫然后。我歡迎其他唱片公司搵我，因為我唔知呢間公司會做幾耐，哈哈。（係咪覺得無綫好多規管，而家會自由啲？）當然唔係，我係好自由㗎。不過我又冇乜約束，可能係大家一啲嘅方向，大家未必合得來，其實大家嘅關係係冇嘢。」
問到擔唔擔心被無綫封殺？炎明熹搞笑說：「如果你想佢哋封殺我，咁就封殺我啦。（之前同無綫出嘅歌可唔可以唱？）我諗個個有啲困難，相信每樣事情都要溝通嘅，我諗溝通完都會好啲囉。（未溝通？）未，因為未開始有機會唱其他歌，咁所以未傾到呢方面嘅嘢。（仲有冇啲歌做咗未出？）好似有，但又好似冇，我唔記得咗，但又好似有。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|