颱風樺加沙襲港，藝人陳家樂的屋企每當打風時例必入水，今次亦難逃一劫。昨日（24日）凌晨在10號風球懸掛期間，他於社交網發文表示屋企的窗邊出現滲水的情況，大讚自己早有準備：「今次醒水，每30分鐘去睇一睇，發現得早，大家小心！」相隔2小時他更新影片，並指出最新情況，只見他以毛巾、膠袋堵塞漏洞，又放置水桶接水，力圖阻止情況惡化，他大呻：「頂唔順。」片中可清楚聽見其太太亦有合力抵抗狂風暴雨。其實2年前他已分享過超級颱風對屋企的破壞，當時慘變室內噴水池。
TVB旅遊節目《潮什麼》系列主持、旅遊達人梁芷珮（Christy）早前搬新屋，同樣不敵樺加沙猛烈攻擊，屋內多個窗戶驚現滲水嚴重！見梁芷珮用多條毛巾堵住滲水位置，但仍不停漏水，屋內多間房間都有同樣情況，就連屋內地板亦出現水浸，需要地拖幫手吸水。梁芷珮上月公開新居環境，由玻璃倒影見到客廳非常寬敞，有多個落地玻璃窗，梁芷珮一家人努力砌易拆款式雙人梳化，就已經夠一家人坐在一起睇電視。
有「四次元女神」之稱的DJ黃正宜（阿正）寓所同樣不撼樺加沙吹襲，屋企大門被吹到砰砰聲，窗台水聲令她「係好眼瞓但瞓唔到，驚」，最後全家靠一條衛生巾成功扭轉「苦況」。她貼上短片並說：「黐線，用m巾吸水真係好勁，滴水個位放一條搞掂咗，我依家先知原來m巾可以吸水吸到好似水袋咁脹。」事件惹來不少網民的熱討。
本文作轉載及備份之用 來源 source: http://hk.on.cc
|
鍾意就快D Share啦！
|
|
|