《PTU》已不經不覺上映了22年，問到主角林雪可有懷緬昔日的瀟灑？林雪︰「我覺得而家Fit啲！」站在身邊的杜Sir就不客氣，「如果林雪而家呢個身形去拍？應該死咗」相較比廿年前大副清減的杜Sir，就表示因為糖尿指數高，故要多做運動不能太肥。隨後更再笑林雪個巨腩︰「你唔好成日用個肚腩頂人得唔得呀？」兩位亦師亦友，舌戰唇槍。
問到杜Sir近期創意力暴發，先在香港開拍一部以Anson Lo盧瀚霆做主角的電影，來年又將到北海道與梁朝偉合作拍一部電影，杜Sir坦言近年是四出尋找不同機會。「現今平台好重要，應該要跟不同地區及單位合作，我呢輪會跑多啲，我哋都要生存，仲有好多人要工作，盡量line up幾多就幾多。」至於Anson Lo做主角部電影的進度，杜Sir表示我走埋這幾轉便再開工。記者笑問電影會否如《PTU》般拍足3年？冷不防杜Sir直認不諱︰「拍咗3年十日戲！」
現場亦有記者問到可有機會看到《黑社會3》面世？杜Sir︰「又係呢個？點答呢，呢度香港嚟，講嘢要小心啲……有嘅，但唔知幾時！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|