天王郭富城尋日（26日）「登六」大賀60大壽，則為佢誕下第3名千金嘅妻老婆方媛及兩個女兒Chantelle和Charlotte都齊齊現身為佢慶生。上周三（22日）先剛宣布第3個女兒順利出生，今次亦係方媛產後首度亮相，只見佢腹部平坦、美腿纖細，外形及體態同生產前幾乎零差別。
三度做爸爸嘅郭富城慶祝60歲生日，獲方媛晒出生日P合照，並留言：「老公生日快樂」見生日蛋糕係穿上超人裝嘅佢抱住BB，似足佢近日嘅奶爸生活。嬌妻方媛產後未有好好坐月，休息僅4日就為老公破戒，首度亮相生日P，一如既往全身貴價名牌，手上Love鑽石手環閃閃發光，不過仍見佢氣色紅潤、身材纖細，全身貼身衫加貼身牛仔褲上陣，妝容得睇又自然，完全唔似剛生完BB幾日，而兩個寶貝女Chantelle同Charlotte亦打扮成小公主，同爸爸一齊慶祝。
有眼利網友發現郭富城尋日於生日會嘅衫，係兩年前（2023年）生日P着過，非常環保，男神身材亦繼續弗爆。當時佢仲係妻女陪住一齊過，今年家中就多咗一位小公主做生日禮物，令人羨慕。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
