許紹雄於1971年入讀無綫電視（TVB）第一期藝員訓練班，同期同學有甘國亮、蘇杏璇等人。其後他轉到麗的電視（即亞視前身）工作，到1978年重返無綫。由1972年計起，許紹雄演出過過百套經典劇集，近年最為人津津樂道的，就一定是在《使徒行者》系列飾演「覃歡喜」歡喜哥一角。他亦憑此角色，在《萬千星輝頒獎典禮2014》獲得「最受歡迎電視男角色」獎項。許紹雄入行多年雖少有擔正做男主角，但每次出場，擔任配角的他均極為搶鏡，地位舉足輕重。
話說回來，行內藝人朋友一向愛稱他為「Benz雄」，後輩亦會尊稱他為「Benz哥」，而甚少人會稱呼他為「雄哥」。其實他與Benz有段故。有一說指他因在商台上班時經常駕駛Benz出入，所以被拍檔鄧榮銾改名「Benz雄」。
其實早前許紹雄和女兒Charmaine一同拍攝YouTube節目時，Charmaine也曾經問過「Benz雄」綽號的由來。當時許紹雄就回答：「其實以前啲車呢，就貴買平揸。未買Benz之前揸嗰啲，唔係話好平，即係平過Benz（嘅車）。咁唔知點解，揸得一兩年度度都響，short咗！有一次唔覺意，咪轉咗揸Benz。」Charmaine說：「真係好唔覺意喎。」許紹雄續說：「唔係，供㗎之嘛。並唔多錢，都係幾百蚊一個月。咁就不如轉揸Benz，咁就一揸揸咗10年。」
Charmaine又問：「有冇揸過其他？」許紹雄回答：「揸過半跑啦，嗰陣時好咩㗎！」Charmaine追問：「好型好威，追女仔？」許紹雄答：「就係追唔到嗰度慘啦。」Charmaine反問：「咁阿媽係咩呀？」許紹雄回答：「唔係揸車追㗎嘛。揸車反而追唔到。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
