藝人楊思琦近日擔任節目嘉賓，分享往事驚險經歷，直言這些經歷當時都被公司下令嚴禁對外提起，對於「封口令」她都能一一捱過，唯獨有一件事，當時公司的處理手法令她感到傷心又無奈。
楊思琦在2012年突然未婚懷孕，於美國養胎和生B的她，在女兒出世後即火速返港。當時她現身機場時，身邊只得無綫高層樂易玲和曾醒明陪同，未有見到女兒Krystal。楊思琦表示原本她是想抱住BB見大家，認為並沒有什麽好隱瞞，但在上機前收到公司的臨時安排，「就話落機嘅時候，會安排你一個人做訪問，我問『吓？點解呀？』因為我諗住抱埋小朋友一齊出嚟咁樣，有咩問題呀？」她坦言這並非好的處理方法，但無奈公司安排，自己作為打工仔惟有接受。
而當時最不能讓楊思琦接受的是，初生的女兒被帶走後，由於她接受訪問後仍要處理其他事情，未能回家，導致女兒餓足十幾小時冇奶食。即使現時提起，她仍十分激動：「出嚟成件事好似唔見得光咁，明明係光明正大但係要靜靜雞，偷偷摸摸，又要唔知點，仲要搞到我個囡囡係成十幾個鐘冇嘢食！啲奶粉喺我度，我又未返得去，又唔知點樣，總之搞到佢冇嘢食，餓親我個女！」她透露公司事後亦沒有解釋為何不準她抱B見傳媒，又強調自己從來沒有想過隱瞞生BB，但無奈要配合公司安排，而她就拒絕透露是誰下封口令，只是表示整件事令她十分無奈。翻查當日的片段，楊思琦受訪時曾解釋BB未有現身的原因：「BB已經安排咗秘道，因為佢太細，驚閃光燈…」當被問及BB身在何方，她則說：「佢返咗嚟㗎喇。」不過對於傳媒追問BB是否比她早回港，抑或與她同行，她就似乎有難言之隱，未有作答，如今終於真相大白！
楊思琦透露回港後，她經常被傳媒追訪，想要影到女兒，又有人讓她出門，影她出門買奶粉，她直言好可笑：「我話唔好意思，我喺美國已經買咗足夠要用嘅奶粉，唔使買奶粉喇，你真係諗錯算盤，冇俾人影到我買奶粉，因為已經準備咗。有人想做我，好多人要搞我，冇辦法。」至於當年她被指因拜金而拋棄舊愛，她直言：「寫到你有幾差，背棄任何人，寫到你形象係點，『S加兩棟』（錢），『S加兩棟』咁我唔揀所有對象啦，我揀個孭住個礦嗰啲啦，真係好Funny，毋須要咁樣講我，每個人面對你嘅戀愛或者你嘅婚姻，未必一定走到去最尾，結婚都有離婚啦，你初戀同邊個？你有冇依家一齊呀？幾時結婚啊你？個個都唔係第一個就成功，唔好再講我」
本文作轉載及備份之用 來源 source: http://hk.on.cc
|
鍾意就快D Share啦！
|
|
|