葉蒨文不忘上載影片，影片一開始可見到一個疑似酒店房門，門上被貼了一張紙條：「GM：給你準備的生日禮物放在床上了！」房門被推開後，在大床上面有個禮物盒，盒上寫上：「你最喜歡的！」當曾展望一打開位於枕頭位置的禮物盒，就見到瞓在床的葉蒨文嘟住嘴仔，原來她把自己裝成禮物送給GM，非常有創意。
葉蒨文和曾展望今日（13/10）現身尖沙咀出席《善心滿載仁愛堂》記者會。葉蒨文接受《香港01》訪問時表示：「其實嗰條片，我哋係特別拍一個搞笑嘅視頻俾大家睇，而我送俾佢嘅真正禮物係第二啲嘢嚟。」
曾展望笑言：「拆禮物就一定有，不過正如佢所講，我哋都想拍條搞笑片分享俾大家睇，不過講真，有冇禮物我都開心嘅，因為有佢同我過，我已經好開心。（見咗家長未？）因為未夾啱時間，同埋佢媽咪成日去旅行，加上都係個半月嘅時間，所以慢慢嚟。」葉蒨文接著說：「我自己嘅習慣係要再穩定啲先見我媽咪嘅，始終都係啱啱開始。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|