林俊其坦言，認識了羅毓儀後，自己的生活習慣改變了不少。羅毓儀多了玩遊戲這個愛好之餘，自己也受對方鼓勵而學習唱歌，最近更將唱歌片擺上網與大家分享。他更透露，早前羅毓儀已到訪家中食飯。
問到是否已經「見家長」？他回答：「見家長仲未，但係將會。中秋佢都會嚟我屋企食飯。（你會唔會去佢屋企食飯？）本來會，但係今日做嘢所以錯過咗。我哋而家逐漸融入咗對方社交圈子，我會同佢朋友一齊玩桌上遊戲，佢又會同我去朋友一齊食飯，飲咖啡。」
他透露，第一次直播時，羅毓儀到他家中，那時候就為了能夠以乾乾淨淨環境示人，所以執拾了家裏，用了近7個小時，他說：「我要準備定呀，我嗰日執咗7個鐘，唔講唔知以為我搬屋。我間房都算乾淨，但係因為佢上嚟，所以我覺得要再乾淨啲。（要一塵不染？）係呀，我拖地都拖咗兩次。（有冇收埋啲珍藏？）冇呀，因為全部都係K-POP，New Jeans，aespa。（會唔會呷醋？）真係呷醋就唔會，但係會表現吓，（她問）：『你點解淨係放佢嘅？』我都會放返張相出嚟，因為之前拎咗張閃卡。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
