2005年吳京與金牌經紀人黃柏高簽約，開始在香港發展出演《殺破狼》等多部動作電影。2012年返回內地發展，數年後更因主演電影《戰狼》而爆紅。近年吳京先後拍攝《流浪地球》、《長津湖》、《長津湖之水門橋》等，票房收入亦相當之誇張。
講起吳京的出身，除了曾在北京市什剎海體育運動學校學習武術，入選北京市武術隊外，最為人津津樂道的，就是他自稱滿族正白旗烏雅氏後人及祖上幾代都是武狀元一事。吳京在2017年接受鳳凰衛視《非常道》節目專訪時，就曾經提及過此事。
歐錦棠早年自營YouTube頻道《乜乜棠水舖》，近日內容中，他就提起吳京這位著名武打巨星。片中，他直言吳京功夫了得，電影製作也值得一看。話鋒一轉，他就提起「吳京自稱滿族正白旗烏雅氏後人及祖上幾代都是武狀元」一事。
歐錦棠坦言，歷代武狀元的資料都可經網上資料查證，清代共有109個。「唔係好多，109個啫，齊唔齊呢，喺互聯網未必搵得齊，但係大部分都有。吳京話佢祖先有幾個武狀元，咁我就睇吓，姓吳嘅分別有兩個。有兩個姓『吴』，但係個『吴』同佢嗰個有少少唔同，但係姓『吴』係唔同省份。」
歐錦棠也說，大家可能會覺得這兩位『吴』氏人士是同一家族，但他就指出並不可能。因為吳京曾表示自己是滿人，因為這兩個『吴』氏武狀元都是武狀元。「以往清嘅規定，係唔可以有漢族嘅姓氏。我查過，真係屬於滿族嘅武狀元只有三位，分別係乾隆期間嘅德灝，道光年間嘅波啟善同埋嘉慶年間嘅昌伊蘇，但係呢三個都唔係屬於正白旗，一個係正紅旗，兩個係正黃旗。」
他續指，也有鑲白旗，屬於漢族的人成為武狀元，但也並不是姓吳：「理論上，如果吳京係滿族，佢會有個滿族姓氏，而唔係姓吳。」最後，他也笑言：「我好衰嘅，你講咗，我就會搵吓資料。今日同大家講咗呢件事，吳先生就唔好再講佢嘅武狀元乜乜。就算係武狀元，都睇吓你而家有咩本事啦，咁佢好有本事嘅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
