活動門票價格最貴飛為$4988一張，不過一班忠實姜糖為見偶像，當然大手筆課金，門票早已售罄。然而事件近日卻突然引發是非，原因是大會最新的活動流程中，壓軸嘉賓不只姜濤一人，還有兩位MIRROR隊友呂爵安Edan、邱士縉Stanley，有已買飛的姜糖就非常不滿，指由單人壓軸變「拼盤Show」。有人留言：「賣完飛後先改動rundown實在不能接受，將一個人的solo表演環節分成三份，令姜濤只得三份一時間表演。」、「諗住當初只有姜壓軸點到有兩三首歌，而家係咪變咗要平分一人一首呀？我本人感覺好大落差」、「其實對姜唔公平，對買飛D人係欺騙呀」、「我都係因為”姜濤壓軸表演＂搶飛的」
其實8月時NBA香港的社交平台，已公布過到時會有Edan和Stanley參與是次活動，三位鏡仔都各自有拍片宣傳，不過當時姜濤說：「當日，我亦會為大家帶嚟一個精彩嘅表演。」而Edan和Stanley則說：「到時我都會嚟到現場，同球隊同傳奇球星進行互動。」未有提到將會表演。
而爭議爆發後，主辦方就在NBA Hong Kong社交平台回應：「造成各位fans嘅誤會，我們深感抱歉。統一回應大家嘅疑問：各位藝人演出為個人演出（獨唱），藝人排序按照演出順序，一切環節以現場呈現為準」不過姜糖就仍然留言表示非常不滿，斥大會「違反商品說明條例」、偷換概念、誤導消費者，有人要求退票；不過亦有人指姜糖這樣炮轟大會，會令三位鏡仔十分尷尬，影響他們關係。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
