《金式森林》首周播出收視成績十分好，羅子溢接受《香港01》訪問時說：「劇情會越嚟越緊湊，我都希望收視會越嚟越好。我見坊間嘅討論都係講方家嘅新抱。（好似有第二輯？）第二輯隨時都有，可能同一班，個名都可能唔同。」
近年羅子溢和楊茜堯兩老婆密密接Job，他在訪問中也提到，太太現時在外地拍劇。問到維持夫妻感情的關鍵，他透露每天食飯時都會和太太開視像聊天：「20分鐘左右，睇吓啲小朋友。因為佢好忙，所以時間就係放飯嘅時候，或者收工一陣間。」
通常會有什麼話題？他坦言話題多數圍繞小朋友的生活。「都係小朋友嘅返學，聽日要做啲乜嘢，小朋友曳，點解曳。都係好平常嘅談話。（會唔會鬧交？）鬧交就唔會，佢會話：『你呀，跟好啲啦。點可以畀個仔玩到咁癲。』因為屋企好多閉路電視，我嘅話就係打打鬧鬧，媽媽就會驚佢扭親。」小朋友鍾意爸爸定媽媽多些？他回答：「鍾意媽媽多啲，不過爸爸有利益，因為爸爸疏爽啲。」他笑言，因為他會忍不住買玩具給小朋友。
本文作轉載及備份之用 來源 source: http://www.hk01.com
|
鍾意就快D Share啦！
|
|
|