呂慧儀過往曾在街上突然暈倒，全靠身旁兒子叫醒，膊頭及手腳皆有擦損，其後入院做身體檢查，休息後重新投入工作。無綫處境喜劇《愛·回家之開心速遞》昨日（27/10）於電視城舉行宣傳造勢活動，唯獨呂慧儀未有現身，健康狀況令人擔心。
張景淳接受《香港01》訪問時表示：「佢之前發生咗交通意外，佢被人撞車尾，整親條頸，導致頸椎移位，一直都會Keep住痛，變咗佢今日可能又有啲事要處理所今日嚟唔到。同埋佢而家係要戴頸箍開工，一埋位嘅時候就要除，演嘅時候係要就住演，演完又要戴返咁。」
湯盈盈表示：「嚟近我哋嘅節目係會做一小時，所以啲時間會比較緊密，而佢可能趁呢啲時間抽空去做物理治療。同埋大家都知我幾玩得啦，變咗有時候我要小心，唔可以掂佢，我都驚整親佢，造成二次傷害。我哋要錫住佢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|