電台DJ小儀早前與拍檔梁嘉琪相繼宣布離開電台，節目《早霸王》亦將於月底正式停播，今日（31日）兩人與森美現身電台最後一次錄製節目，同場還有DJ阿正及Elsie，拍照時小儀手持林海峰送上由他親手繪畫及眾DJ寫上字句的巨型心意卡。
小儀感謝公司給予森美這個好的拍擋，笑言兩人經歷過太多，佔人生很大部分，是「搣都搣唔甩」的家人關係，因此很感激他，森美聞言即笑指自己「受得起」，又指最重要的是希望將來日子裏愛小儀的人可以繼續愛她。問到他是否希望小儀找到歸宿，他即指自己不擔心，笑言自己曾好努力為她介意對象，不過認為最重要的是與家人的相處：「其實我同佢一樣，我哋年紀都大啦，佢爸爸有病個年，我媽媽都有病，所以係呢段時間。」講到家人患病森美即忍不住眼紅落淚，緩和情緒後續指：「所以我覺得佢好勇敢，因為用多啲時間陪屋企人係最啱嘅選擇。」又指小儀給予自己很大的力量，令自己謙卑，所以希望她繼續努力。
小儀表示宣布離開後很多朋友問她有無後悔：「其實我最初冇特別大後悔，咁依家後悔嘅係原來有好多不捨之情，即係我好似放棄咗呢度，大家對我嘅好，我好似好自私，我好想自己出去闖或者過自己生活，好似突然間撥開咗佢哋，但係其實就算我離開咗，我仍然明白同懂得你哋對我嘅愛。」森美亦指小儀只是離開節目崗位，兩人之後仍會繼續合作，更笑言她一宣布離開即有人找他們一同合作。小儀坦言離開亦是新開始，之後會花費更多時間去陪伴父母，雖則不是很偉大地想帶他們環遊世界，不過希望能在香港見多點陪下他們飲茶。
問到網上有傳小儀會去做炎明熹經理人，甚至進入Viu TV做高層？她笑言可能性是零，甚至是負數，又指即使自己願意亦沒有能力，雖然過往很多DJ離開電台後都轉職做經理人，但絕對不是自己，直言自己沒有這條件，連自己都管不住怎去管人，反而笑言想森美做自己經理人，森美聞言即笑指小儀是好的搖錢樹。而梁嘉琪透露之後亦會與森美有司儀工作，被森美小儀笑言她既能莊重又能搞笑，更可以身穿低胸晚禮服。
隨着小儀與梁嘉琪離開電台，陪伴港人多年的節目《早霸王》亦正式停播，小儀表示自宣布消息後，收到很多粉絲聽眾分享的心聲，指節目陪伴他們成長，甚至到現在成家立室後與子女分享，覺得這個歷程很有趣，無想過自己會影響別人的成個青春期，而森美則表示當年他們處於網絡未發達的年代，做過的節目都無留底：「電台有一個有趣地方就係出咗空氣就消失，依家我哋想搵番都搵唔番，雖然有啲遺憾，但就成為咗我哋同聽眾之間一份珍貴嘅回憶。」
森美將加入阿正與Elsie的節目《Bad Girl佬》，新節目名稱改為《Bad Girl大過佬》，3人受訪時，森美表示會盡量繼續留下節目舊有內容，指不要得失之前的聽眾，又指自知道小儀離開的消息後，自己一直尋找新拍檔，因此笑言感激兩位收留了自己，又讚兩人很勤力和轉數快，感受到她們的Energy，坦言在過去的一年內自己情緒很差，感激兩人從低谷拉起自己。
本文作轉載及備份之用 來源 source: http://hk.on.cc
|
鍾意就快D Share啦！
|
|
|