視后佘詩曼（阿佘）時不時被同行讚人品好，又願意提攜後輩，係圈中出晒名好人，受人敬佩。尋日（21日）有TVB幕後攝影師於社交平台分享阿佘請數十位幕後同僚打邊爐敍舊大合照，同場仲見到湯盈盈等。據悉，呢班幕後自佘詩曼入行時已合作，且大部分於早年已轉行，不過佘詩曼有情有義，多年來都會抽空同大家敍舊請食飯。
尋晚飯局中，一位仍於TVB工作嘅幕後人員於電視城撞到佘詩曼開工，當時只多口問咗句「幾時食飯呀？」當時佘詩曼雖然趕入廠開工，回佢︰「最近很忙，要埋劇，遲啲先！」！點知幾日前一班幕後舊戰友，包括梳化服、攝製團隊，竟收到佘詩曼邀請打邊爐敍舊。原來佘詩曼完成《新聞女王2》拍攝後見比較空閒，即兌現承諾約一眾幕後相聚，其中一位幕後一鳥留言：「约了2年，又上次打10颱風取消，難得舊同事聚餐，大家很多認識30年以上，同時多謝阿佘出心出錢請客。」另外，佢又貼出一隻Labubu，並寫道：「我說喜歡，二話不說馬上從自己手機解下來送給我，真的愛你呢！#佘詩曼」細節盡見阿佘為人，割愛都送公仔。
早喺前年，苑瓊丹就提到有次TVB劇組為一位幕後工作人員舉辦榮休宴，只有佘詩曼親自出席，並送給對方一條價值數十萬的金鏈作為退休禮物，表示對對方嘅尊重，令人感動。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
