。
藝人李璨琛同太太梁志瑩（Sophia）育有兩個可愛囡囡李元元（Lucy）及李斐斐（Sucy），當中Lucy早已升為網紅，社交網有超過53萬Followers，品牌亦爭邀出席公開活動及賣廣告，吸金力唔係問題，不過始終7歲大個女，本身賣開「醜態」相嘅佢亦成日引起爭議。近日一段中秋節片段就再爆發網民罵戰，見梁志瑩貼出一段Lucy摸住大肚腩片段，祝福網民中秋節快樂。
片中Lucy拉高上衣，得戚地搓住自己肚腩仔，留言謂：「祝大家中秋快樂, 肚腩同內心都記得要好似我咁:常滿常滿❤️❤️❤️ #究竟係第幾周懷孕🤭 #有日佢又係食到好似今日咁飽 #然後佢好認真咁問我 #媽媽我個肚咁樣會唔會真係爆㗎 🤣🤣」雖然大部分網民都祝佢中秋節快樂，不過有好多網民留言指Lucy已經7歲，不宜貼出佢拎高件衫嘅片段，擔心隨時成為孌童癖人士對此作出不當想像，並質疑媽咪未有好好保護女兒，而且Lucy都未必希望自己嘅生活照均被公諸於世，有網民狠批：「都開始大個女，點解要佢拎起個件衫畀人睇晒成個肚，阿媽都唔識保護個女，好心寒！」、「Lucy依家嘅年紀似乎已經唔適合影依啲片😅😅家長是時候認真思考一下 為了影片流量而出賣女兒醜態是否合適🥲」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|