拒簽經理人合約即雪
當年TVB看中徐肇平，想簽他做「親生仔」（經理人合約)，因為「鬼仔」性格向公司查詢未來發展計劃時，卻得不到任何具體承諾，「佢問公司有咩計劃，或者我簽了六年，我會有咩做？公司點樣可以保證？公司話『唔可以保證，我哋點會捧你。』TVB冇呢隻歌仔唱，唔係咁樣。」身為「鬼仔」性格的徐肇平認為在沒有保障下，不應貿然簽約，最終決定婉拒。
「公司仲問我點解唔畀個仔簽約？我話唔關我事，佢咁大個人，簽約係佢自己嘅事」這一下婉拒原來換來的是雪藏。「結果公司就雪藏佢喇，唔俾佢出鏡。」Gigi姐憶述，當時兒子出版烹飪書，一班「海歸派」藝人好友前來書展支持，她們更在instagram開心分享，隨即收到經理人電話「照肺」。「一個個就接到電話，『你傻㗎你？明知佢雪藏緊，你哋做咩去捧場？』佢哋細路哥唔識呢啲功利關係⋯⋯佢啲女性朋友即場喊」
徹底觸動了Gigi姐的底線。「我真係好嬲！你明唔明？佢哋私底下去捧我個仔場，都要咁畀人閙？真係唔好囉！」她直言，這件事讓她與兒子都看清了娛樂圈的現實與人性的醜陋，也成為兒子後來心灰意冷，返回加拿大的原因之一。作為母親，她感到自責，「是我叫他回來的，不是他想的。」話語間充滿了對兒子的歉意。
本文作轉載及備份之用 來源 source: http://www.hk01.com
|
鍾意就快D Share啦！
|
|
|