不過，近來有YouTuber及網絡傳言質疑李龍基與未婚妻的關係，稱二人情海翻波，甚至指未婚妻王青霞搭上澳門賭業富二代，更清楚列出李龍基手揸多個物業身家超過40億，又指李龍基「尋妻」失聯，言之鑿鑿，惹起網上熱話。
李龍基昨日（10/10）現身郵輪碼頭出席剪綵儀式，就事件接受《香港01》訪問時，笑言自己身家原來直逼李家誠，令他啼笑皆非。他無奈地說：「我明白有啲YouTuber係靠點擊搵錢生活，係做到語不驚人誓不休，同埋佢哋好醒，唔用真人係用AI，呢啲內容就離晒大譜，仲話我有46億，仲同我分析，香港有幾多舖位，新加坡有幾多物業，睇落得啖笑。」
對於未婚妻王青霞被YouTuber人身攻擊，李龍基大感氣憤：「成日話我老婆識咗第二個，又話同邊一個賭業富二代去澳門，喺賭場又攬又錫，講真唔好講呢啲嘢啦，冇良心搵返嚟啲錢，真係永不久享。同埋佢講話我老婆搭上個富二代係4月幾嘅事，而我老婆7月幾先出嚟，你話佢哋可以作到咁樣，我勸佢哋不義之財就唔好搵啦，靠中傷人哋而去搵錢咁樣唔係幾好。
被問到何時與未婚妻王青霞結婚，李龍基表示：「其實我同佢已經有咗協調，講咗以後都唔會講佢啲嘢。就算我唔講嘢都好，一張相有四個人，佢哋可以無限放大，變咗我講一句嘢，就會好多文章出咗嚟，因為佢唔想我講，所以多謝大家關心。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
