▲《新聞女王2》昨晚（10日）首播，引起全城熱話！
【新聞女王2/佘詩曼/Man姐】前年由佘詩曼、李施嬅等主演的台慶劇《新聞女王》掀起全城追劇潮，結果火速開拍續集，大家對《新聞女王2》引頸以待，劇集終於昨晚（10日）首播，同樣引起熱話。除了一班主演夠吸引，幕後人員同樣功不可沒，近日一眾主角出席宣傳活動，原作者盧詠詩就激罕現身，眾人紛紛跟這位幕後功臣合照，亦令其猛料身份曝光！
新聞女王2｜原作者盧詠詩曾報考主播
《新聞女王》第一、二輯能夠誕生，原作者盧詠詩當然功不可沒，尤其她塑造出佘詩曼飾演的女主角「Man姐」性格如此鮮明，令人好奇是否真有其人。盧詠詩曾講過，為了故事的真實性，自己的確曾經試過報考主播：「本身讀書已經有好多知識，但都係未出嚟做嘢。當時我自己都希望可以做主播，所以我就決定選擇去考做主播。我想去了解電視台是如何運作，我係感受到成個新聞台嘅氣氛係好緊張，所以其實呢套戲是呈現到當時嘅真實情況。」
最新影片推介：
新聞女王2｜畢業於樹仁大學新傳系擁MBA學位
盧詠詩畢業於香港樹仁大學新聞與傳播學系及擁有MBA學位。她曾為《東張西望》、《創富坊》、《更上一層樓》等節目撰稿，並曾在著名設計師樓（Tommy Li Design）負責品牌重塑項目。其後，她先後於信和及新鴻基地產擔任商場推廣事務，前職為上市金融科技機構市場總監。
新聞女王2｜男女主角原型非馬國明佘詩曼
她就讀樹仁新傳系時寫下《新聞女王》這個故事 ，她大爆原來一開始男女主角原型並不是馬國明和佘詩曼，盧詠詩坦言：「嗰時寫Man姐嘅角色係叫做文姐，我就諗住鄧萃雯去寫；George呢個角色係諗住林保怡去寫，本來叫Bowie。」
《新聞女王》播出時，的確有不少網民指鄧萃雯飾演爭權戲得心應手，而且給人印象比較強悍，比佘詩曼更加適合出演「Man姐」一角；而馬國明一出場就被網民狠批不夠奸，認為演技超班，又曾經在多套作品出演奸角的林保怡就更加適合「梁景仁」一角。不過後來劇集的成功，證明佘詩曼絕對是最合適的人選！如今《新聞女王2》已經播出，更令全城期待佘詩曼能否第四度封視后。
新聞女王2｜《新聞女王》原定是電影
除了選角這件「秘聞」，總監製鍾澍佳也曾透露，最初的構思其實是想將故事拍成一部電影，而非劇集。鍾澍佳表示： 「其實我第一個諗到《新聞女王》第一場戲就係第8集講Man姐當年為什麼會成為『新聞女王』嗰場戲，嗰場戲係成套劇諗嘅起點。就係當你遇到一個犯，你會選擇拍定係唔拍呢，你會唔會報警？我就諗到呢場咁嘅戲，同埋零零碎碎嘅場面、後面嘅一啲劇情，我就覺得可以變成一個故仔，之後就搵咗剛剛畢業嘅Sonia（盧詠詩）繼續寫。」
相關內容：
星級名校丨佘詩曼母校曾誕DSE超級狀元 直資名校協恩中學面試攻略
海外升學丨李施嬅「主播腔」晒流利英文 出身多倫多大學靠一招特訓英式口音
孝順女｜高海寧為餅印母慶生晒「同款雙下巴」 戶口曾只剩2位數努力賺錢買樓供兩弟讀大學
🔥用TOPSchool收藏心水學校，贏走迪士尼樂園門票!【參加詳情】
🔥講座報名｜想知直私人氣小學收生TIPS?!「升小選校及面試攻略講座」接受報名(仲有即場升小模擬面試評估‼)【詳情及報名】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|
