劇情中，黃一鳴（飾 商戶之一）見到李施嬅拿着手機拍攝現場情況時，有感自己可能會喪命，所以就提出要李施嬅替他拍下遺言。之後，就出現眾人濕身泡在水中，逐一對着鏡頭留下遺言的畫面，畫面相當震撼，令觀眾猶如在現場一樣。
鄧伊婷接受《香港01》訪問，坦言拍攝當日的畫面令她印象深刻。「我諗我最難忘嘅經歷係，拍完之後我隻腳敏感咗三日，哈哈。因為呢日真係拍咗全晚，由夜晚拍到凌晨先收工，真係浸咗幾耐，不過工作人員都好好，換燈換機位時候都叫我哋上水先，但係浸到一個位之後再上水，其實都好辛苦，所以後尾我哋都寧願繼續留喺水入面。」
在這一幕，鄧伊婷對着鏡頭留下給媽媽的遺言，她表示拍攝就有如身歷其境一樣。「其實冇話點樣代入個角色，因為成個拍攝場景，氣氛同埋幾個演員，都好有嗰個氛圍，覺得好慘，好濕，好辛苦，大家都要死啦，嗰個感覺。拍嘅時候，我都覺得真係要死咁樣，所以拍嘅時候，個表情係真，唔係演出嚟。」她也表示，拍攝完這一幕放工後，馬上約了媽媽翌日食飯。「因為真係好掛住佢。同埋今次同姑姐（夏文汐）同一套戲，雖然冇對手戲，都係演藝路上其中一個少少嘅里程碑，希望下次可以一齊做對手戲。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|