藝人海俊傑近日公告其化妝師太太莫家慈（Effie）患急性肝硬化，聲淚俱下拍片急需籌錢70萭元換肝，引爆全城關注。事件惹來圈中人關注，其中郭富城、小美、陳淑芬等一批圈中人及相關友好，一呼百應，短短一個多小時內共籌得79萬，助海俊傑解決燃眉之急。
當中廖安麗代海俊傑交代太太近況，廖安麗負責聯絡海俊傑，他對大家的積極迴響、關心問候和慷慨解囊萬分感激、難以言喻，而其太太最新情況現仍在廣州中山大學醫院ICU，等候合適指數及可供移植嘅肝臟，身體狀況暫時穩定。
對於外界嘅爭議，據廖安麗了解，移植肝臟來源為「屍肝」，連同手術費用，大約需要50-60萬人民幣（下同）。至於醫院ICU每日收費，則由$8,000至$30,000不等。而手術後之跟進收費，現時仍係未知之數，只知道香港/廣州來回關口接駁嘅私人營運「十字車」收費，即使講價後單程都需要$30,000。
海俊傑同家人目前計劃當太太換肝移植手術成功完成後，喺合適情況下會盡快返回香港嘅醫院繼續接受治療。海俊傑衷心表示，若然太太能夠逃過此劫，他日可以平安返回家中正常生活，如有餘額，必定會將大家嘅捐款退回，到時再睇大家建議如何處理。此外，喺治療過程中，海俊傑打算會將所有支出嘅「收據」透明地披露，畀捐助人清楚知道捐款嘅用途。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
