對於吊威也高空演出的背後，最牽掛的始終是家人。節目中 Jackson 媽媽亦坦言感受好深：「我見到佢吊威也嘅時候，我諗到細個嘅時候都係要吊威也，而家佢又係要咁吊，你哋睇佢同我睇係唔角度，雖然佢上面冇做咩動作但係都有風險喺度，扣又好，人嘅 Balance 又好。」一句道出台前背後的牽引與擔心。
自律是 Jackson 的日常，談到演唱會前的備戰餐單，他分享:「我演唱會今次前兩個禮拜，每日每一餐都係食雞胸同埋四個雞蛋（蛋白），碳水都食，但係就咁白飯，同埋最緊要，我自己覺得做每樣嘢一定要自己想去做，見到佢一定要同自己講喺 Toxic,要自己洗腦。」Jackson 爸爸也大讚他自控力極強：「作為父母一定:『你食多啲你食多啲』,但係佢自控能力好強。」
Jackson 演唱會中不止熱血、性感，當演唱為父母寫的歌亦流下男兒淚；Jackson亦分享休息一年期間懂得珍惜與父母的時間他：「同阿爸阿媽相處多咗，就會諗好多嘢，仔女大個一工作就成日以為阿爸阿媽點都喺度，拖到 Last minute 就太遲。」當爸爸聽到他為父母創作的《Sophie Ricky》時，形容：「覺得特別有一種發自內心，既激動有感恩嘅感覺。」而 Jackson 媽媽更是感動又心痛：「喊過好多次，佢(Jackson)會講:『可能有一日 send message 過去冇回覆。』呢啲諗法好多四、五十歲人都未必諗到，我好心痛，佢太早識得呢啲嘢。」說到最後，媽媽亦忍不住落淚。
無所不談的 Jackson，在節目中大方分享談戀愛經驗、拍檔兼「老 Best」Henry亦現身大談當年中學趣事，Jackson:「Henry 係學校校草啊，你(Henry)笑咩啫？佢嗰劈齊蔭呢，你行前呢個風向呢邊吹，佢個頭就會歪過去，為咗個瀏海啊，全學校無論你喺邊度嘅人都係鍾意 Henry。」Jackson 自嘲因為是運動員，反而比較多男生鍾意。芷珊聽完即刻好驚訝:「男仔比較鍾意你？」Jackson 秒澄清:「唔係嗰種啦，係運動員兄弟義氣嗰種。」
Jackson 更談到自己戀愛經驗，原來也曾「戀愛大過天」:「我嗰陣時冇乜零用錢，又拍拖呢，就係哂感情度。」黎芷珊問：「即係啲錢攞晒去拍拖？」Jackson回應：「係呀睇戲兩人份、食飯兩人份、搭的士又兩人份、搭火車又兩人份。」Henry 更爆料 Jackson「宣示主權」級迷戀:「佢細細個好 Crazy,Email 用人哋個名。」Jackson 分享:「以前好鍾意一個女仔，將自己 Email 改做佢個名，後面加個 Lover.」Henry:「宣示主權啊佢係!」從真情剖白，到中學趣事，Jackson 把舞台外的真性情一一呈現。
本文作轉載及備份之用 來源 source: http://www.hk01.com
|
鍾意就快D Share啦！
|
|
|