Alma郭爾君、吳家忻與伍詠詩於《電競女孩》首映禮上接受傳媒訪問，談到打機時郭爾君笑言：「我本身就有打開機，就好想導佢哋打機！我哋好得意有兩個歌手、都係唔打機！」吳家忻隨即表示會打機，只不過遊戲種類不同：「我會打㗎，打《動物森友會》《馬里奧》嗰啲！」伍詠詩更大讚郭爾君成為大家榜樣，細心教大家每個步驟：「Alma係我哋遊戲裡面嘅動作指導，即係個滑鼠點郁，嗰啲執得好正！」Alma笑言大家動作通常非常誇張，會令觀眾感到失實：「即係唔好好大力、大幅度咁郁！咁樣只係滑鼠靈敏度唔夠！」
作為會打線上遊戲的女星，郭爾君透露會真身上線：「我有啲遊戲會叫郭爾君、或者叫Alma囉！我都有同啲觀眾打機，今朝先打完仲贏咗！我可以同妳哋每一個都開名打，因為冇人信，等於我細個打機有個人叫梁詠琪，但佢係咪梁詠琪？冇人知囉！」連打算加入打機行列的吳家忻與伍詠詩都覺得日後真身上線沒有問題，Alma甚至挑機觀眾線上見：「你哋返去練一練Combo先」
歌手出身的吳家忻初次參演電影，興奮地表示一圓自己夢想：「呢套係我第一套拍嘅電影，裡面仲有吊威吔！」郭爾君亦同意指：「我都經歷第一次吊威吔，原來係一班好專業嘅叔叔一齊拉住妳！係人手㗎！」吳家忻更自嘲：「我曾經以為係機器㗎！」亦續指雖然會有痛楚，但一切都值得：「好痛㗎！返到屋企係全身瘀晒！但過兩日就散㗎！」Alma則期待往後再有機會吊威吔：「好似玩機動遊戲咁，但係人肉拉機動遊戲！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|