▲廖子妤與陳家樂主演《像我這樣的愛情》獲亞洲電影節選映，在昨晚舉行首映。
【廖子妤 / 陳家樂 / 像我這樣的愛情】由譚惠貞執導兼編劇，廖子妤與陳家樂主演《像我這樣的愛情》獲香港亞洲電影節選映，在昨晚（10月6日）於PREMIERE ELEMENTS舉行首映，廖子妤、陳家樂及導演譚惠貞出席。
在映後分享，導演譚惠貞與觀眾見面時講創作初衷指：「起初我冇諗住拍部社會題材嘅電影，我一路喺落筆嘅時候我都係以愛情片去做，我係想寫一個女性自主或者係佢想追求愛情嘅自由。」她亦公開花上2、3年時間都找不上適合的演員接拍，特別感激廖子妤接下阿妹一角讓電影得以開拍。
東京國際電影節｜攜《像我這樣的愛情》出席東京電影節 陳家樂剃頭演出零抗拒 廖子妤坦言角色「好難做」
像我這樣的愛情︱廖子妤捉緊演出機會
女主角廖子妤透露，於接拍電影前已留意到身障者的故事，Fish坦言：「關於身障者嘅故事，我之前一直儲存咗喺電腦度，我諗可唔可以寫一個咁樣嘅故事呢？直到譚惠貞導演搵我嘅時候，我覺得我一定要捉住呢一個機會，因為我覺得拍攝呢個題材非常之難得，呢一世人都未必會再有第二次飾演呢一個角色嘅機會。」
被觀眾問到如何拿捏角色，Fish透露：「我會留意住佢哋嘅節奏，或者同佢哋傾偈了解佢哋嘅難處或者咁多年嚟嘅障礙或者佢哋辛苦嘅地方，尤其是呼吸節奏呢樣嘢我係非常之留，因為我覺得最難掌握嘅係個聲音嘅控制。」
像我這樣的愛情︱陳家樂身體狀況影響信心
至於陳家樂則剖白自己是主動爭取角色：「嗰陣我睇完劇本之後好有興趣，我覺得戲中男女嘅關係寫得好特別，即係一個城市入面兩個好極端嘅例子，好似阿健四肢健全，但係佢內心有好多缺陷，而阿妹有身體障礙，但係內心係好堅強好樂觀，所以我覺得好吸引。」
可惜到有機會試鏡時，家樂卻遇上身體狀況，令他失去信心，稱：「試鏡嗰時係我最冇信心，狀態最差最失落嘅時間，嗰陣時我身體出現咗一個問題，令我好唔知道自己嘅前路係點，因為我隻眼出現問題，有好多血喺度我個腦神經同我眼神經之間嗰個位，成隻眼滲咗好多血出嚟，跟住3個月都退唔走晒嗰啲血，而醫生就唔建議做手術因為始終係嗰個位係有危險，咁就只可以食藥，令到我失眠瞓唔到覺心跳加速。」
他無奈續稱：「而我喺其他嘅工作上亦都因為咁樣而失敗，但係當時同監製關錦鵬見面，佢俾咗個好好嘅動力我繼續去做戲，佢同我講佢話演員有好多個面向，你唔需要因為你一直俾大家睇到你嗰個正面冇咗而失落，演員係應該要擁抱自己嘅陰暗面，叫我最後叫我記住呢一刻呢個狀態呢個傷感，將來一定會有用。」家樂分享這部份的心路歷程更一度哽咽，場面感動。
最新影片推介：
🔥講座報名｜精神食糧揀定未?一齊入貨齊抗壓，重啟與子女對話 Ben Sir講座接受報名啦!【詳情及報名】
🔥講座報名｜想知直私人氣小學收生TIPS?!「升小選校及面試攻略講座」接受報名(仲有即場升小模擬面試評估‼)【詳情及報名】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|